ध्येय अजून गाठायचं,
मनात त्याचाच ध्यास ठेव !
खडतर असला मार्ग जरी,
इच्छाशक्ती खास ठेव !
यश मिळेल तुला,
हाती मेहनतीची कास ठेव !
नियतीच्या घोड्यावर तू
कर्तृत्वाचा फास ठेव !
मोठी लढाई बाकी आहे,
वाचवून थोडे श्वास ठेव !
हे नकारत्मक चित्र पालटेल,
तू फक्त विश्वास ठेव !!!
- भारत (हिमांशू टेंभेकर)
आयुष्याचा चहा
सुरू होता नेहमीचा गोंधळ
भोवती जगणाऱ्यांची गर्दी
तरी एकलकोंडा झालो होतो
त्यात जुना मित्र भेटला दर्दी
होऊनी मग गळा भेट
धरली वाट चहाची थेट
वाफाळल्या गोष्टीसंगे
शब्द अन घोटाची मेट
आयुष्याच्या गप्पानंतर मग
विषय चहावर वळला
उभ्या प्रवासाचा मतितार्थ
कटिंग कपाने उलगडला
कडवटपणा उकाळून दुःखाचा
आनंदाची मग द्यावी गोडी
स्वाभिमानाच्या आल्या बरोबर
सकरात्मकतेची इलायची थोडी
छोट्या कपात सामावून
आपण मात्र मोठं व्हावं
आपल्या फक्त अस्तित्वाने
लोकांच्या चेहऱ्यावर स्मित यावं
भारत (हिमांशू टेंभेकर)
पाऊस कोसळतोय बेभान आज,
आतही आणि बाहेरही
वादळ जोमाने उठलंय खास,
आतही आणि बाहेरही
विश्वासाचा वृक्ष कोलमडून पडलाय ,
आतही आणि बाहेरही
निसरड्या झाल्याय काही जागा,
आतही आणि बाहेरही
हरवल्या हिरवळीत काही वाटा ,
आतही आणि बाहेरही
थांबले आहेत क्षण सारे ,
आतही आणि बाहेरही
होईल निरभ्र आकाश जसे,
आतही आणि बाहेरही
इंद्रधनू उमटेल पुन्हा,
आतही आणि बाहेरही !
नवीन पालवी फुटेल आता,
आतही आणि बाहेरही !!!
भारत
तुफानोसे भिड़ जाने की
करली मनमें अब तैयारी है
छूट गए है अपने पीछे
मगर ये सफर जारी है
आज धधग उठी है अग्नि
कल की जो चिंगारी है
जिसने मनमे ठान लिया हो
वो संकटपे भी भारी है
दुविधाके मदमस्त गज पर
दृढ़ संकल्प की सवारी है
सुखी हुआ वो जीवन पथपर
जिसकी दुःखसे यारी है
टूटके भी लड़ जाने की
दिल मे ये जो खुमारी है
प्रकाश देना अंधकार में
ये दिप की जिम्मेदारी है
- भारत ( हिमांशू टेंभेकर)
