पाऊस

पाऊस कोसळतोय बेभान आज,

आतही आणि बाहेरही 

वादळ जोमाने उठलंय खास,

आतही आणि बाहेरही 

विश्वासाचा वृक्ष कोलमडून पडलाय ,

आतही आणि बाहेरही

निसरड्या झाल्याय काही जागा,

आतही आणि बाहेरही 

हरवल्या हिरवळीत काही वाटा ,

आतही आणि बाहेरही 

थांबले आहेत क्षण सारे ,

आतही आणि बाहेरही

होईल निरभ्र आकाश जसे,

आतही आणि बाहेरही 

इंद्रधनू उमटेल पुन्हा,

आतही आणि बाहेरही !

नवीन पालवी फुटेल आता, 

आतही आणि बाहेरही !!!

भारत